ದಿನಭವಿಷ್ಯ 5 days ago

Previous Next

ಫೆಬ್ರವರಿ 18, 2026 - ಬುಧವಾರದ ರಾಶಿ ಭವಿಷ್ಯ

ಮೇಷ ರಾಶಿ : ದಾಂಪತ್ಯದಲ್ಲಿ ಸಣ್ಣ ಕಲಹ, ವಿದೇಶ ಯೋಗದಿಂದ ಲಾಭದ ಸೂಚನೆ ಮೇಷ ರಾಶಿಯವರಿಗೆ ಇಂದು ಮಿಶ್ರ ಫಲಿತಾಂಶಗಳ ದಿನವಾಗಿರಲಿದೆ. ಪತ್ನಿಯೊಂದಿಗೆ ಸಣ್ಣ ಪುಟ್ಟ ವಿಷಯಗಳಿಗೆ ಕಲಹ ಉಂಟಾಗುವ ಸಾಧ್ಯತೆ ಇದೆ. ದರ್ಪದ ಮಾತುಗಳು ಕುಟುಂಬದಲ್ಲಿ ಭಿನ್ನಾಭಿಪ್ರಾಯಕ್ಕೆ ಕಾರಣವಾಗಬಹುದು. ಆದ್ದರಿಂದ ಮಾತಿನ ಮೇಲೆ ನಿಯಂತ್ರಣ ಅಗತ್ಯ. nಉದ್ಯೋಗ ಕ್ಷೇತ್ರದಲ್ಲಿ ಅನಾವಶ್ಯಕ ಕಿರಿಕಿರಿ ಎದುರಾಗಬಹುದು. ಕುಟುಂಬ ವಾತಾವರಣದಲ್ಲಿಯೂ ಸ್ವಲ್ಪ ಒತ್ತಡದ ಪರಿಸ್ಥಿತಿ ಕಾಣಿಸಬಹುದು. ಆದರೆ ಸ್ತ್ರೀ ಸಂಘಟನೆಗಳು ಅಥವಾ ಮಹಿಳಾ ಸಂಘಗಳಿಗೆ ಸಂಬಂಧಿಸಿದ ಕಾರ್ಯಗಳಲ್ಲಿ ಭಾಗವಹಿಸುವವರಿಗೆ ಧನಲಾಭದ ಸೂಚನೆ ಇದೆ. ಫ್ರಾಂಚೈಸಿ ಆಧಾರಿತ ಉದ್ಯಮ ಪ್ರಾರಂಭಿಸಲು ಯೋಚಿಸುತ್ತಿರುವವರು ಆರ್ಥಿಕ ಸಂಪನ್ಮೂಲಗಳನ್ನು ಕ್ರೂಢೀಕರಿಸಲು ಮುಂದಾಗುವ ಸಾಧ್ಯತೆ ಇದೆ. ದಂಪತಿಗಳು ಸಂತಾನ ಪ್ರಾಪ್ತಿ ಕುರಿತು ಚರ್ಚೆ ನಡೆಸುವ ಸಾಧ್ಯತೆ ಇದೆ. ಮದುವೆ ಕಾರ್ಯಗಳಲ್ಲಿ ಕೆಲವು ಅಡಚಣೆಗಳು ಎದುರಾಗಬಹುದು. ವಿದೇಶಕ್ಕೆ ಹೋಗುವ ಕನಸು ಕಂಡಿರುವವರಿಗೆ ಇಂದು ಶುಭ ಸೂಚನೆ ದೊರಕಬಹುದು. ವಿದೇಶಿ ವ್ಯವಹಾರಗಳಲ್ಲಿ ತೊಡಗಿರುವವರಿಗೆ ಲಾಭದ ನಿರೀಕ್ಷೆ ಹೆಚ್ಚಾಗಲಿದೆ. ಲಾಭದ ಅವಕಾಶಗಳು ಕಂಡುಬರುವ ದಿನವಾಗಿದೆ. ಕುಟುಂಬದ ಮಹಿಳಾ ಸದಸ್ಯರೊಂದಿಗೆ ಮನಸ್ತಾಪ ಉಂಟಾಗುವ ಸಾಧ್ಯತೆ ಇರುವುದರಿಂದ ಶಾಂತ ಮನಸ್ಥಿತಿಯೊಂದಿಗೆ ವರ್ತಿಸುವುದು ಒಳಿತು. ಸ್ವೀಟ್ ಮಾರ್ಟ್, ಕಾಂಡಿಮೆಂಟ್ಸ್ ಮತ್ತು ಬೇಕರಿ ವ್ಯಾಪಾರಸ್ಥರಿಗೆ ಉತ್ತಮ ಲಾಭದ ದಿನವಾಗಿರಲಿದೆ. ಒಟ್ಟಾರೆ, ಸಹನೆ ಮತ್ತು ಸಮತೋಲನ ಕಾಪಾಡಿದರೆ ದಿನವು ಫಲಪ್ರದವಾಗಿರುತ್ತದೆ.

ವೃಷಭ ರಾಶಿ : ಉದ್ಯೋಗದಲ್ಲಿ ಲಾಭ, ಖರ್ಚು ಮತ್ತು ಆರ್ಥಿಕ ಚಿಂತನೆ ಹೆಚ್ಚಳ ವೃಷಭ ರಾಶಿಯವರಿಗೆ ಇಂದು ಮಿಶ್ರ ಫಲಗಳ ದಿನವಾಗಿರಲಿದೆ. ಮನೆ ನಿರ್ಮಾಣ ಕಾರ್ಯಗಳು ಯಾವುದೋ ಕಾರಣದಿಂದ ಅರ್ಧಕ್ಕೆ ನಿಲ್ಲುವ ಸಾಧ್ಯತೆ ಇದೆ. ಇದರಿಂದ ಮನಸ್ಸಿನಲ್ಲಿ ಅಶಾಂತಿ ಉಂಟಾಗಬಹುದು. ಉದ್ಯೋಗ ಸ್ಥಳದಲ್ಲಿ ಉತ್ತಮ ಧನ ಲಾಭ ದೊರಕುವ ಸಾಧ್ಯತೆ ಇದೆ. ಆದರೆ ಪರರಿಗಾಗಿ ಧನ ವ್ಯಯ ಮಾಡಬೇಕಾದ ಪರಿಸ್ಥಿತಿ ಎದುರಾಗಬಹುದು. ಸಾಲ ನೀಡಿರುವವರು ಅದನ್ನು ವಾಪಸು ಪಡೆಯುವ ಕುರಿತು ಚಿಂತಿಸುವ ಸಾಧ್ಯತೆ ಇದೆ. ವಿವಾಹಯೋಗ್ಯರಿಗೆ ಕಂಕಣಬಲ ಸಾದ್ಯತೆ ಕಾಣಿಸುತ್ತದೆ. ಪ್ರೇಮಿಗಳ ನಡುವೆ ಉಂಟಾದ ಮನಸ್ತಾಪ ಇಂದು ಬಗೆಹರಿಯುವ ಸಾಧ್ಯತೆ ಇದೆ, ಸಂಬಂಧಗಳಲ್ಲಿ ಪುನಃ ಮಧುರತೆ ಮೂಡುವ ಸಾಧ್ಯತೆ ಇದೆ. ಸಿದ್ಧ ಉಡುಪು ವ್ಯಾಪಾರಸ್ಥರಿಗೆ ಉತ್ತಮ ಲಾಭದ ದಿನ. ಆದರೆ ಬ್ರೋಕರ್ ಕೆಲಸ ಮಾಡುವವರು ಆರ್ಥಿಕ ನಷ್ಟವನ್ನು ಎದುರಿಸಬಹುದು. ಮಣ್ಣಿನ ಅಲಂಕಾರಿಕ ಗೊಂಬೆ ತಯಾರಿಸುವವರಿಗೆ ಬೇಡಿಕೆ ಹೆಚ್ಚಾಗಲಿದ್ದು, ವ್ಯಾಪಾರದಲ್ಲಿ ಚೈತನ್ಯ ಕಾಣಿಸಲಿದೆ. ಕಲಾವಿದರಿಗೆ ಪ್ರೋತ್ಸಾಹ ದೊರೆಯುವ ಜೊತೆಗೆ ಆರ್ಥಿಕ ಚೇತರಿಕೆಯ ಲಕ್ಷಣಗಳು ಗೋಚರಿಸಲಿದೆ. ದಾಯಾದಿ ಮಕ್ಕಳಿಂದ ಸ್ವಲ್ಪ ತೊಂದರೆ ಎದುರಾಗುವ ಸಾಧ್ಯತೆ ಇರುವುದರಿಂದ ಸಹನೆಯಿಂದ ವರ್ತಿಸುವುದು ಒಳಿತು. ಒಟ್ಟಾರೆ, ಲಾಭ–ನಷ್ಟಗಳ ನಡುವೆ ಸಮತೋಲನ ಕಾಪಾಡಿದರೆ ದಿನವನ್ನು ಯಶಸ್ವಿಯಾಗಿ ಮುನ್ನಡೆಸಬಹುದು.

ಮಿಥುನ ರಾಶಿ : ಉದ್ಯೋಗ ಒತ್ತಡ, ಆಸ್ತಿ ವಿಚಾರ ಮತ್ತು ಸಂಶೋಧನೆಯಲ್ಲಿ ಯಶಸ್ಸು ಮಿಥುನ ರಾಶಿಯವರಿಗೆ ಇಂದು ಮಿಶ್ರ ಫಲಿತಾಂಶಗಳ ದಿನವಾಗಿರಲಿದೆ. ಹಿರಿಯ ಅಧಿಕಾರಿಗಳಿಂದ ಕಿರಿಕಿರಿ ಎದುರಾಗುವ ಸಂಭವವಿದೆ. ವ್ಯಾಪಾರ ಕುಂಠಿತವಾಗಬಹುದು, ಮತ್ತು ಮನಸ್ಸು ಚಿಂತೆಗೆ ಒಳಗಾಗುವ ಸಾಧ್ಯತೆ ಇದೆ. ಸಾಲಗಾರರಿಂದ ಒತ್ತಡ ಅಥವಾ ಕಿರಿಕಿರಿ ಎದುರಾಗಬಹುದು. ಸ್ಥಿರಾಸ್ತಿ ಖರೀದಿಸಲು ಯೋಚಿಸುತ್ತಿರುವವರಿಗೆ ಲಾಭ ದೊರೆಯುವ ಸಾಧ್ಯತೆ ಇದೆ. ಉಪನ್ಯಾಸಕರಿಗೆ ಉತ್ತಮ ಸ್ಥಾನಮಾನ ಲಭ್ಯವಾಗುವ ಸೂಚನೆಗಳಿವೆ. ಸಂಶೋಧನಾ ಕ್ಷೇತ್ರದಲ್ಲಿ ತೊಡಗಿರುವವರಿಗೆ ಹೊಸ ಆಶಾಕಿರಣ ಗೋಚರಿಸುತ್ತದೆ. ಕುಟುಂಬದಲ್ಲಿ ಆಸ್ತಿ ವಿಚಾರಕ್ಕೆ ಸಂಬಂಧಿಸಿದ ಮುಸುಕಿನ ಗುದ್ದಾಟ ಸಂಭವಿಸಬಹುದು. ಮದುವೆ ಯೋಚನೆಗಳಲ್ಲಿ ವಿಳಂಬ ಕಾಣಿಸಬಹುದು, ಆದರೆ ಗಂಡ–ಹೆಂಡತಿ ಸಂಬಂಧಗಳು ಒಂದಾಗುವ ಸಾಧ್ಯತೆ ಇದೆ. ಪರಸ್ತ್ರೀಯರಿಂದ ತೊಂದರೆ ಸಂಭವಿಸುವ ಸಾಧ್ಯತೆ ಇರುವುದರಿಂದ ಎಚ್ಚರಿಕೆ ವಹಿಸುವುದು ಅಗತ್ಯ. ಒಟ್ಟಾರೆ, ಶಾಂತ ಮನಸ್ಥಿತಿ, ವಿವೇಕ ಮತ್ತು ಸಹನೆಯಿಂದ ನಡೆದುಕೊಂಡರೆ, ಸವಾಲುಗಳ ನಡುವೆಯೂ ಲಾಭದ ಮತ್ತು ಸುಖದ ಸಂದರ್ಭಗಳನ್ನು ಎದುರಿಸಬಹುದಾಗಿದೆ.

ಕರ್ಕಾಟಕ ರಾಶಿ : ಶುಭಕಾರ್ಯಗಳಲ್ಲಿ ಅಡೆತಡೆ, ಆದಾಯದಲ್ಲಿ ಏರಿಳಿತ ಕರ್ಕಾಟಕ ರಾಶಿಯವರಿಗೆ ಇಂದು ಮಿಶ್ರ ಫಲಗಳ ದಿನವಾಗಿರಲಿದೆ. ಶುಭ ಮಂಗಳ ಕಾರ್ಯಗಳಿಗೆ ಅನೇಕ ಅಡೆತಡೆಗಳು ಎದುರಾಗುವ ಸಾಧ್ಯತೆ ಇದೆ. ಕೆಲವರಿಗೆ ಮದುವೆ ವಿಳಂಬವಾಗುವುದರಿಂದ ಬೇಸರ ಉಂಟಾಗಬಹುದು. ಪ್ರೇಮಿಗಳ ಮಧ್ಯೆ ಬಿರುಕು ಮೂಡುವ ಸೂಚನೆಗಳೂ ಕಂಡುಬರುತ್ತಿವೆ. ಸಂತಾನ ಸಂಬಂಧಿತವಾಗಿ ಶುಭ ಸುದ್ದಿ ಕೇಳುವ ಅವಕಾಶ ಕೆಲವರಿಗೆ ಲಭಿಸಬಹುದು. ಆದರೆ ಮತ್ತೊಂದೆಡೆ, ಕೆಲವು ಕುಟುಂಬಗಳಲ್ಲಿ ಸಂತಾನದ ಸಮಸ್ಯೆಗಳು ಕಾಡುವ ಸಾಧ್ಯತೆಯೂ ಇದೆ. ಕುಟುಂಬ ವರ್ಗದಿಂದ ಧನಸಹಾಯ ದೊರೆಯುವ ಸೂಚನೆ ಇದೆ. ಪತ್ನಿಯಿಂದ ಮನೋಬಲ ಹಾಗೂ ಸಹಕಾರ ಸಿಗುವುದರಿಂದ ಆತ್ಮವಿಶ್ವಾಸ ಹೆಚ್ಚಾಗಲಿದೆ. ಪುರಾತನ ವಸ್ತುಗಳ ಮಾರಾಟಗಾರರಿಗೆ ಆದಾಯ ಹೆಚ್ಚಾಗಲಿದೆ. ವಾಹನಗಳ ಬಿಡಿಭಾಗ ಮಾರಾಟ ಮಾಡುವವರ ವ್ಯವಹಾರದಲ್ಲಿ ಅಧಿಕ ಲಾಭ ಕಂಡುಬರುವ ಸಾಧ್ಯತೆ ಇದೆ. ಶೇರುಮಾರುಕಟ್ಟೆ ಮಧ್ಯವರ್ತಿಗಳಿಗೆ ಆದಾಯದಲ್ಲಿ ಏರಿಕೆ ಸಂಭವಿಸುತ್ತದೆ. ಫ್ರಾಂಚೈಸಿ ಉದ್ಯಮ ಆರಂಭಿಸಲು ಯೋಚಿಸುವವರು ಆರ್ಥಿಕ ಸಂಪನ್ಮೂಲಗಳನ್ನು ಕ್ರೂಢೀಕರಿಸಲು ಮುಂದಾಗುವ ಸಾಧ್ಯತೆ ಇದೆ. ಮಾಧ್ಯಮ ಕ್ಷೇತ್ರದ ಮಿತ್ರರಿಗೆ ಕೆಲವು ಮೂಲಗಳಿಂದ ಧನಲಾಭ ದೊರೆಯಬಹುದು. ಕೃಷಿಕರ ಆದಾಯದಲ್ಲಿ ಗಣನೀಯ ವ್ಯತ್ಯಾಸ ಕಂಡುಬರುವ ಸಾಧ್ಯತೆ ಇರುವುದರಿಂದ ಹಣಕಾಸಿನ ಯೋಜನೆ ಅಗತ್ಯ. ಒಟ್ಟಾರೆ, ಧೈರ್ಯ ಮತ್ತು ಸಮತೋಲನದಿಂದ ನಡೆದುಕೊಂಡರೆ ಸವಾಲುಗಳನ್ನು ಸಮರ್ಥವಾಗಿ ಎದುರಿಸಬಹುದು.

ಸಿಂಹ ರಾಶಿ : ವರ್ಗಾವಣೆ ಸೂಚನೆ, ಮದುವೆ ಮಾತುಕತೆಗಳಿಗೆ ಗ್ರೀನ್ ಸಿಗ್ನಲ್ಸಿಂ ಹ ರಾಶಿಯವರಿಗೆ ಇಂದು ಮಿಶ್ರ ಫಲಿತಾಂಶಗಳ ದಿನವಾಗಿರಲಿದೆ. ಶುಭ ಮಂಗಳ ಕಾರ್ಯಗಳಿಗೆ ಮಕ್ಕಳಿಂದ ನಿರಾಕರಣೆ ಎದುರಾಗುವ ಸಾಧ್ಯತೆ ಇದೆ. ಆದರೆ ಪತ್ನಿಯ ಸಂಬಂಧಿಗಳಿಂದ ಧನಸಹಾಯ ದೊರೆಯುವ ಸೂಚನೆ ಇದೆ. ಉದ್ಯೋಗ ಸಂಬಂಧವಾಗಿ ದೂರದ ಊರಿಗೆ ವರ್ಗಾವಣೆಯ ಸಾಧ್ಯತೆ ಕಂಡುಬರುತ್ತಿದೆ. ಇದರಿಂದ ಆರಂಭದಲ್ಲಿ ಅಸಮಾಧಾನ ಕಂಡುಬಂದರೂ ಮುಂದಿನ ದಿನಗಳಲ್ಲಿ ಪ್ರಯೋಜನಕಾರಿಯಾಗಬಹುದು. ಫ್ರಾಂಚೈಸಿ ಉದ್ಯಮ ಆರಂಭಿಸಲು ಯೋಚಿಸುವವರು ಆರ್ಥಿಕ ಸಂಪನ್ಮೂಲಗಳನ್ನು ಕ್ರೂಢೀಕರಿಸುವತ್ತ ಗಮನ ಹರಿಸಬೇಕಾಗುತ್ತದೆ. ಆರೋಗ್ಯದ ವಿಷಯದಲ್ಲಿ ಮಂಡಿನೋವು ಕಾಡುವ ಸಾಧ್ಯತೆ ಇದೆ, ಎಚ್ಚರಿಕೆ ಅಗತ್ಯ. ರಂಗಭೂಮಿ ಕಲಾವಿದರಿಗೆ ಕೆಲವು ಸಂಸ್ಥೆಗಳಿಂದ ಗೌರವ ಮತ್ತು ಮನ್ನಣೆ ದೊರೆಯಲಿದೆ. ವ್ಯಾಪಾರಸ್ಥರಿಗೆ ಮಂದಗತಿಯ ಆರ್ಥಿಕ ಸ್ಥಿತಿ ಕಂಡುಬರುವ ಸಾಧ್ಯತೆ ಇದ್ದರೂ, ರಿಯಲ್ ಎಸ್ಟೇಟ್ ಉದ್ಯಮದಾರರಿಗೆ ಆರ್ಥಿಕ ಹಿಂಜರಿಕೆ ಇರುವುದಿಲ್ಲ. ಕೋರ್ಟ್ ಮತ್ತು ಕಚೇರಿ ಸಂಬಂಧಿತ ಕೆಲಸಗಳಲ್ಲಿ ಮುನ್ನಡೆ ಕಾಣಿಸಲಿದೆ. ಮದುವೆ ಚರ್ಚೆಗಳು ಆರಂಭವಾಗುವ ಸೂಚನೆ ಇದೆ. ಪ್ರೇಮಿಗಳ ಕುಟುಂಬ ಸದಸ್ಯರಿಂದ ಮದುವೆಗೆ ಗ್ರೀನ್ ಸಿಗ್ನಲ್ ದೊರೆಯುವ ಸಾಧ್ಯತೆ ಇದೆ. ಒಟ್ಟಾರೆ, ಸಹನೆ ಮತ್ತು ಆತ್ಮವಿಶ್ವಾಸದಿಂದ ನಡೆದುಕೊಂಡರೆ ದಿನವು ಉತ್ತಮ ಫಲಿತಾಂಶ ನೀಡಲಿದೆ.

ಕನ್ಯಾ ರಾಶಿ : ಕೋರ್ಟ್ ಜಯ, ವ್ಯಾಪಾರ ಚೇತರಿಕೆ ಮತ್ತು ಕುಟುಂಬ ಎಚ್ಚರಿಕೆ ಕನ್ಯಾ ರಾಶಿಯವರಿಗೆ ಇಂದು ಮಿಶ್ರ ಫಲಿತಾಂಶಗಳ ದಿನವಾಗಿರಲಿದೆ. ಉದ್ಯೋಗಕ್ಕೆ ಸಂಬಂಧಿಸಿದ ಕೋರ್ಟ್ ತೀರ್ಪಿನಲ್ಲಿ ನಿಮ್ಮ ಪರವಾಗಿ ಜಯ ದೊರೆಯುವ ಸಾಧ್ಯತೆ ಇದೆ. ವ್ಯಾಪಾರ ಮತ್ತು ಉದ್ಯಮದಾರರಿಗೆ ಕೆಲವು ನಷ್ಟಗಳಿಂದ ಜೀವನದಲ್ಲಿ ಬೇಸರ ಕಾಣಿಸಬಹುದು, ಆದರೆ ಒಟ್ಟಾರೆ ಎಲ್ಲಾ ವ್ಯಾಪಾರಸ್ಥರಿಗೆ ಆರ್ಥಿಕ ಸ್ಥಿತಿಯಲ್ಲಿ ಚೇತರಿಕೆ ಕಂಡುಬರುವ ಸಾಧ್ಯತೆ ಇದೆ. ಉದ್ಯಮಿಗಳ ಕಾರ್ಮಿಕರ ಸಮಸ್ಯೆಗಳ ಪರಿಹಾರ ಸಾಧ್ಯವಾಗುತ್ತದೆ. ಸರ್ಕಾರಿ ಅಧಿಕಾರಿಗಳ ಸಹಾಯದಿಂದ ವ್ಯವಹಾರದಲ್ಲಿ ಎದುರಾಗುವ ಅಡಚಣೆಗಳು ನಿವಾರಣೆಯಾಗುತ್ತವೆ. ಪತಿ–ಪತ್ನಿ ಇಂದು ಚೈತನ್ಯ ಶೀಲರಾಗಿ ಕಾರ್ಯಗಳಲ್ಲಿ ಪಾಲ್ಗೊಳ್ಳುವ ಸಾಧ್ಯತೆ ಇದೆ. ವಿದ್ಯುತ್, ಇಂಧನ ಮತ್ತು ಸಾರಿಗೆ ಇಲಾಖೆಯಲ್ಲಿ ಕೆಲಸ ಮಾಡುವವರು ಎಚ್ಚರಿಕೆಯಿಂದ ವರ್ತಿಸಬೇಕು. ಕುಟುಂಬದಲ್ಲಿ ಮನಸ್ತಾಪ ಉಂಟಾಗುವ ಕೆಲವು ಘಟನೆಗಳಾಗಬಹುದು. ಗಂಡ–ಹೆಂಡತಿ ಮನಸ್ತಾಪದಿಂದ ಕುಟುಂಬ ನ್ಯಾಯಾಲಯಕ್ಕೆ ಹೋಗುವ ಸಾಧ್ಯತೆ ಇದೆ. ಮಕ್ಕಳಿಂದ ಮನಸ್ತಾಪ ಸಂಭವಿಸಬಹುದು. ಮಗಳ ಕುಟುಂಬದ ಬಗ್ಗೆ ಚಿಂತೆ ಉಂಟಾಗಬಹುದು. ಒಟ್ಟಾರೆ, ಎಚ್ಚರಿಕೆ, ಸಮತೋಲನ ಮತ್ತು ಪರಸ್ಪರ ಸಹಕಾರದಿಂದ ಇಂದು ಉತ್ತಮ ನಿರ್ವಹಣೆ ಸಾಧ್ಯವಾಗುತ್ತದೆ.

ತುಲಾ ರಾಶಿ : ಆಸ್ತಿ ಸಫಲತೆ, ಖರ್ಚು ಹೆಚ್ಚಳ ಹಾಗೂ ಕುಟುಂಬದಲ್ಲಿ ಒತ್ತಡ ತುಲಾ ರಾಶಿಯವರಿಗೆ ಇಂದು ಮಿಶ್ರ ಫಲಗಳ ದಿನವಾಗಿರಲಿದೆ. ವೈರಿಗಳ ಧೋರಣೆ ಬದಲಾಗುವ ಸಾಧ್ಯತೆ ಇದ್ದು, ನಿಮ್ಮ ಪರವಾಗಿ ಪರಿಸ್ಥಿತಿ ತಿರುಗುವ ಸೂಚನೆಗಳಿವೆ. ಸಂಗಾತಿಯೊಂದಿಗೆ ಸಾಮರಸ್ಯ ವೃದ್ಧಿಯಾಗಲಿದೆ. ಪತ್ನಿಯ ಮಾರ್ಗದರ್ಶನದಿಂದ ಸಂಸಾರದಲ್ಲಿ ಸಮತೋಲನ ಸಾಧಿಸುವ ಸಾಧ್ಯತೆ ಇದೆ. ಕೆಲವರು ಪತಿ–ಪತ್ನಿ ಏಕೋಮನೋಭಾವದಿಂದ ಹೊಸ ಜೀವನ ಆರಂಭಿಸುವ ನಿರ್ಧಾರ ಕೈಗೊಳ್ಳಬಹುದು. ಪಿತ್ರಾರ್ಜಿತ ಆಸ್ತಿ ಪಡೆಯುವುದರಲ್ಲಿ ಸಫಲತೆ ದೊರೆಯುವ ಸಾಧ್ಯತೆ ಇದೆ. ಮನೆ ನಿರ್ಮಾಣ ಕಾರ್ಯ ಆರಂಭಿಸುವ ಯೋಚನೆ ಮುಂದುವರಿಯಬಹುದು. ಫ್ರಾಂಚೈಸಿ ಬಿಜಿನೆಸ್ ಆರಂಭಿಸುವ ನಿರ್ಧಾರ ಕೈಗೊಳ್ಳುವ ಸಾಧ್ಯತೆ ಇದೆ. ಆದರೆ ಕೆಲವು ಅಧಿಕಾರಿ ವರ್ಗಗಳಿಗೆ ವ್ಯಕ್ತಿಗಳಿಂದ ಕಿರುಕುಳ ಎದುರಾಗಬಹುದು. ಆಪ್ತ ಸ್ನೇಹಿತನ ದ್ವಂದ್ವ ನಿಲುವಿನಿಂದ ವ್ಯವಹಾರದಲ್ಲಿ ನಷ್ಟ ಸಂಭವಿಸುವ ಸಾಧ್ಯತೆ ಇದೆ. ಸ್ಥಿರಾಸ್ತಿ ಮಾರಾಟ ಮಾಡುವ ಸಂದರ್ಭದಲ್ಲಿ ದ್ವಂದ್ವ ನಿಲುವು ತಾಳುವ ಪರಿಸ್ಥಿತಿ ಎದುರಾಗಬಹುದು. ಸಂಗಾತಿಗಾಗಿ ಶೃಂಗಾರ ಆಭರಣಗಳನ್ನು ಖರೀದಿಸುವ ಯೋಚನೆ ಮೂಡಬಹುದು. ವ್ಯಾಪಾರಸ್ಥರಿಗೆ ಆರ್ಥಿಕ ಸ್ಥಿತಿ ಸಾಮಾನ್ಯವಾಗಿದ್ದರೂ ಖರ್ಚು ಅಧಿಕವಾಗುವ ಸಾಧ್ಯತೆ ಇದೆ. ಮದುವೆ ಯಾಕೆ ವಿಳಂಬವಾಗುತ್ತಿದೆ ಎಂಬ ಪ್ರಶ್ನೆ ಮನಸ್ಸನ್ನು ಕಾಡಬಹುದು. ಕೆಲವರಿಗೆ ಸಂತಾನ ಸಮಸ್ಯೆ ಕಾಡುವ ಸೂಚನೆಗಳಿವೆ. ಕುಟುಂಬದಲ್ಲಿ ಸಣ್ಣ ಮಟ್ಟದ ಕಿರುಕುಳ ಸಂಭವಿಸುವ ಸಾಧ್ಯತೆ ಇರುವುದರಿಂದ ಸಹನೆ ಮತ್ತು ಸಮನ್ವಯ ಅಗತ್ಯ. ಒಟ್ಟಾರೆ, ವಿವೇಕ ಮತ್ತು ಸಮತೋಲನದಿಂದ ನಡೆದುಕೊಂಡರೆ ದಿನವನ್ನು ಸುಗಮವಾಗಿ ಸಾಗಿಸಬಹುದು.

ವೃಶ್ಚಿಕ ರಾಶಿ : ಭೂ ವ್ಯವಹಾರದಲ್ಲಿ ಇಳಿಮುಖ, ಮದುವೆ ಸಿಹಿಸುದ್ದಿ ಸೂಚನೆ ವೃಶ್ಚಿಕ ರಾಶಿಯವರಿಗೆ ಇಂದು ಏರಿಳಿತಗಳ ದಿನವಾಗಿರಲಿದೆ. ಭೂ ವ್ಯವಹಾರಕ್ಕೆ ಸಂಬಂಧಿಸಿದ ಆರ್ಥಿಕ ಪರಿಸ್ಥಿತಿ ಗಂಭೀರ ಇಳಿಮುಖ ಕಾಣಿಸಬಹುದು. ಹೂಡಿಕೆ ಮಾಡುವವರು ಎಚ್ಚರಿಕೆಯಿಂದ ಮುಂದುವರಿಯುವುದು ಒಳಿತು. ಆದರೆ ನಿವೇಶನ ಖರೀದಿಸಲು ಯೋಚಿಸುವವರಿಗೆ ಯೋಗವಿದ್ದು, ಸರಿಯಾದ ಪರಿಶೀಲನೆ ಅಗತ್ಯ. ಉದ್ಯೋಗ ಕ್ಷೇತ್ರದಲ್ಲಿ ಸ್ವಲ್ಪ ಮಟ್ಟಿಗೆ ಹೊಂದಾಣಿಕೆ ಮಾಡಿಕೊಂಡು ಕಾಯುವುದು ಉತ್ತಮ. ಅತಿಯಾದ ಟೆನ್ಶನ್ ಎದುರಾಗುವ ಸಾಧ್ಯತೆ ಇರುವುದರಿಂದ ಶಾಂತ ಮನಸ್ಥಿತಿ ಅಗತ್ಯ. ಸರ್ಕಾರಿ ಉದ್ಯೋಗ ಪಡೆಯಲು ಪ್ರಯತ್ನಿಸುವವರು ಹೆಚ್ಚು ಶ್ರಮವಹಿಸಬೇಕು. ರಾಜಕೀಯ ವ್ಯಕ್ತಿಗಳಿಗೆ ಅನುಯಾಯಿಗಳಿಂದ ತೊಂದರೆ ಸಂಭವಿಸಬಹುದು. ನಿಮಗೆ ಅವಮಾನವಾಗುವಂತಹ ಘಟನೆಗಳು ಸಂಭವಿಸುವ ಸಾಧ್ಯತೆ ಇರುವುದರಿಂದ ಮಾತು ಮತ್ತು ನಡೆ ಬಗ್ಗೆ ಜಾಗ್ರತೆ ವಹಿಸಬೇಕು. ಅಳಿಯನ ಕಿರಿಕಿರಿ ಮುಂದುವರಿಯುವ ಸೂಚನೆಗಳಿವೆ. ಶೃಂಗಾರ ಸಾಮಗ್ರಿಗಳ ಸಗಟು ವ್ಯಾಪಾರಸ್ಥರಿಗೆ ಹೆಚ್ಚಿನ ಲಾಭ ನಿರೀಕ್ಷೆಯಿದೆ. ಸರಕು ಸಾಗಾಣಿಕೆ ವ್ಯವಹಾರದಲ್ಲಿ ಆದಾಯ ದ್ವಿಗುಣವಾಗುವ ಸಾಧ್ಯತೆ ಇದೆ. ಫ್ರಾಂಚೈಸಿ ಉದ್ಯಮ ಪ್ರಾರಂಭಿಸಲು ಮುಂದಾಗುವವರು ಆರ್ಥಿಕ ಸಂಪನ್ಮೂಲಗಳನ್ನು ಕ್ರೂಢೀಕರಿಸಲು ತಯಾರಾಗಬೇಕಾಗುತ್ತದೆ. ಪರಿಚಯ ಮೂಲಗಳಿಂದ ಮದುವೆ ಸಂಬಂಧ ಸಿಹಿಸುದ್ದಿ ಕೇಳುವ ಭಾಗ್ಯ ದೊರೆಯಬಹುದು. ಆಸ್ತಿ ಸಂಬಂಧಿತ ಗೊಂದಲಗಳು ನಿವಾರಣೆಯಾಗುವ ಸೂಚನೆ ಇದೆ. ಒಟ್ಟಾರೆ, ಎಚ್ಚರಿಕೆ ಮತ್ತು ಧೈರ್ಯದಿಂದ ನಡೆದುಕೊಂಡರೆ ಸವಾಲುಗಳ ನಡುವೆ ಉತ್ತಮ ಅವಕಾಶಗಳನ್ನು ಪಡೆಯಬಹುದು.

ಧನಸು ರಾಶಿ : ಪಾಲುಗಾರಿಕೆ ವ್ಯವಹಾರದಲ್ಲಿ ಮಿಶ್ರ ಫಲ, ಕೋರ್ಟ್ ವಿಚಾರದಲ್ಲಿ ಜಯ ಸೂಚನೆ ಧನಸು ರಾಶಿಯವರಿಗೆ ಇಂದು ಮಿಶ್ರ ಫಲಗಳ ದಿನವಾಗಿರಲಿದೆ. ಪಾಲುಗಾರಿಕೆ ವ್ಯವಹಾರಗಳಲ್ಲಿ ನಿರೀಕ್ಷಿತ ಮಟ್ಟದ ಪ್ರಗತಿ ಕಾಣದಿದ್ದರೂ, ಸಂಪೂರ್ಣ ಹಿನ್ನಡೆಯೂ ಇರುವುದಿಲ್ಲ. ಸಹನಶೀಲತೆಯಿಂದ ಮುಂದುವರಿಯುವುದು ಉತ್ತಮ. ಮದುವೆ ವಿಚಾರದಲ್ಲಿ ಅನೇಕ ಅಡೆತಡೆಗಳು ಎದುರಾಗುವ ಸಾಧ್ಯತೆ ಇದೆ. ಕೆಲವರಿಗೆ ಉದ್ಯೋಗ ಕಳೆದುಕೊಳ್ಳುವ ಭೀತಿ ಕಾಡಬಹುದು. ಉದ್ಯೋಗಸ್ಥರು ಹಿತಶತ್ರುಗಳಿಂದ ತೊಂದರೆ ಅನುಭವಿಸುವ ಸಾಧ್ಯತೆ ಇರುವುದರಿಂದ ಎಚ್ಚರಿಕೆಯಿಂದ ವರ್ತಿಸುವುದು ಅಗತ್ಯ. ಪತ್ನಿಯು ನಿಮ್ಮ ಕಷ್ಟಗಳಿಗೆ ಸಹಕಾರ ನೀಡುವ ಮೂಲಕ ಧೈರ್ಯ ತುಂಬುವಳು. ಕಮಿಷನ್ ಏಜೆಂಟ್‌ಗಳಿಗೆ ಲಾಭದ ನಿರೀಕ್ಷೆ ಇದೆ. ಸಾಮಾನ್ಯ ವ್ಯಾಪಾರಸ್ಥರಿಗೆ ಆರ್ಥಿಕ ಸ್ಥಿತಿ ಸಮತೋಲನದಲ್ಲಿರಲಿದೆ. ಕಟ್ಟಡ ನಿರ್ಮಾಣ ಸಾಮಗ್ರಿಗಳನ್ನು ಮಾರಾಟ ಮಾಡುವವರಿಗೆ ಹೆಚ್ಚಿನ ಲಾಭ ದೊರೆಯುವ ಸೂಚನೆಗಳಿವೆ. ಹೊಸ ಉದ್ಯಮ ಆರಂಭಿಸುವ ಬಗ್ಗೆ ಮಾತುಕತೆಗಳು ಪ್ರಾರಂಭವಾಗುವ ಸಾಧ್ಯತೆ ಇದೆ. ಫ್ರಾಂಚೈಸಿ ಉದ್ಯಮ ಪ್ರಾರಂಭಿಸಲು ಆರ್ಥಿಕ ಸಂಪನ್ಮೂಲಗಳನ್ನು ಕ್ರೂಢೀಕರಿಸುವ ಯತ್ನ ನಡೆಯಲಿದೆ. ಮಕ್ಕಳು ಮಾಡಿರುವ ತಪ್ಪುಗಳಿಂದ ಕಾನೂನು ಮೆಟ್ಟಿಲುಗಳನ್ನು ಎದುರಿಸಬೇಕಾದ ಪರಿಸ್ಥಿತಿ ಉಂಟಾಗಬಹುದು. ಆದ್ದರಿಂದ ಜಾಗ್ರತೆ ಅಗತ್ಯ. ಆಸ್ತಿ ಸಂಬಂಧಿತ ಕೋರ್ಟ್ ಪ್ರಕರಣದಲ್ಲಿ ಜಯ ಸಾಧಿಸುವ ಸಾಧ್ಯತೆ ಇದೆ. ಒಟ್ಟಾರೆ, ಸವಾಲುಗಳ ನಡುವೆಯೂ ಧೈರ್ಯ ಮತ್ತು ಸಮನ್ವಯದಿಂದ ನಡೆದುಕೊಂಡರೆ ದಿನವು ಸಾಧಕವಾಗಿರಬಹುದು.

ಮಕರ ರಾಶಿ : ಉದ್ಯೋಗದಲ್ಲಿ ಬಡ್ತಿ, ಧನ ಲಾಭ ಮತ್ತು ವ್ಯವಹಾರ ಎಚ್ಚರಿಕೆ ಮಕರ ರಾಶಿಯವರಿಗೆ ಇಂದು ಮಿಶ್ರ ಫಲಿತಾಂಶಗಳ ದಿನವಾಗಿರಲಿದೆ. ಉದ್ಯೋಗದಲ್ಲಿ ಅಧಿಕಾರಿಗಳಿಂದ ಪ್ರಶಂಸೆ ದೊರೆಯುವ ಸಂಭವವಿದೆ. ಬಡ್ತಿ ಯೋಗ ಇರುವುದರಿಂದ ಸ್ವಂತ ಪರಿಶ್ರಮದ ಮಹತ್ವ ಹೆಚ್ಚಾಗಲಿದೆ. ಭಾಗ್ಯದಲ್ಲಿ ಅದೃಷ್ಟ ದಿನಗಳು ಪ್ರಾರಂಭವಾಗುತ್ತವೆ. ನಿಮ್ಮ ಬಹುದಿನದ ಪರಿಶ್ರಮಕ್ಕೆ nಸೂಕ್ತ ಸ್ಥಾನ ಮತ್ತು ಗೌರವ ಸಿಗುವ ಸಾಧ್ಯತೆ ಇದೆ. ಷೇರು ವ್ಯಾಪಾರಿಗಳು, ಆಭರಣ ತಯಾರಿಕರು ಮತ್ತು ಆಧುನಿಕ ತಂತ್ರಜ್ಞಾನ ವ್ಯಾಪಾರಿಗಳಿಗೆ ಶುಭಕಾಲ ಮತ್ತು ಧನ ಲಾಭವಿದೆ. ಆಭರಣ ಫ್ರಾಂಚೈಸಿ ಉದ್ಯಮ ಪ್ರಾರಂಭಿಸಲು ಆರ್ಥಿಕ ಸಂಪನ್ಮೂಲ ಕ್ರೂಢೀಕರಣ ಯೋಗವಿದೆ. ಭೂ ವ್ಯವಹಾರ ಉದ್ಯಮದಲ್ಲಿ ಲಾಭದ ನಿರೀಕ್ಷೆ ಇದೆ.ಗೌರವಾನ್ವಿತ ವ್ಯಕ್ತಿಗಳೊಂದಿಗೆ ಜನಸಂಪರ್ಕ ಉತ್ತಮವಾಗಲಿದೆ. ಆಸ್ತಿ ವಿಚಾರಕ್ಕಾಗಿ ಬಾಂಧವರ ನಡುವೆ ಉತ್ತಮ ಸಂಪರ್ಕ ಹೆಚ್ಚುವ ಸಂಭವವಿದೆ. ವೃತ್ತಿ ಕ್ಷೇತ್ರದಲ್ಲಿ ಹೆಚ್ಚಿನ ಒತ್ತಡ ಮತ್ತು ಕಿರುಕುಳ ಎದುರಾಗಬಹುದು. ಆದರೆ, ಅಪರಿಚಿತ ಮಹಿಳೆಯರೊಂದಿಗೆ ವ್ಯವಹಾರ ತಪ್ಪಿಸುವುದು ಸೂಕ್ತ. ಚೀಟಿ ವ್ಯವಹಾರಗಳಲ್ಲಿ ಮೋಸ ಸಂಭವಿಸುವ ಸಾಧ್ಯತೆ ಇದೆ. ಆರೋಗ್ಯದಲ್ಲಿ ಏರುಪೇರು ಕಾಣಿಸಬಹುದು. ಪ್ರೇಮದ ವಿರಹ ಮನಸ್ಸನ್ನು ಕಾಡುವ ಸಾಧ್ಯತೆ ಇದೆ. ಸೋದರ–ಮಾವನಿಂದ ಹಣಕಾಸಿನ ಸಹಾಯ ದೊರೆಯಬಹುದು. ಮದುವೆ ಯೋಚನೆ ಇರುವವರು ತಯಾರಿ ಮಾಡಿಕೊಳ್ಳುವುದು ಉತ್ತಮ. ಒಟ್ಟಾರೆ, ಎಚ್ಚರಿಕೆ, ವಿವೇಕ ಮತ್ತು ಸಮತೋಲನದಿಂದ ನಡೆದುಕೊಂಡರೆ ಉದ್ಯೋಗ, ವ್ಯವಹಾರ ಮತ್ತು ಕುಟುಂಬದಲ್ಲಿ ಉತ್ತಮ ಫಲಿತಾಂಶ ಪಡೆಯಬಹುದು.

ಕುಂಭ ರಾಶಿ : ಆರೋಗ್ಯ ಎಚ್ಚರಿಕೆ, ಉದ್ಯಮ ಯೋಚನೆ ಮತ್ತು ಕುಟುಂಬ ಏಕತೆ ಕುಂಭ ರಾಶಿಯವರಿಗೆ ಇಂದು ಎಚ್ಚರಿಕೆಯಿಂದ ಸಾಗಬೇಕಾದ ದಿನ. ಅನಾವಶ್ಯಕ ಅಹಂಕಾರದ ಮಾತುಗಳನ್ನು ಕಡಿಮೆ ಮಾಡುವುದು ಒಳಿತು. ಮಾತಿನ ತಪ್ಪಿನಿಂದ ಸಂಬಂಧಗಳಲ್ಲಿ ಬಿರುಕು ಉಂಟಾಗುವ ಸಾಧ್ಯತೆ ಇದೆ. ದಾಂಪತ್ಯ ಜೀವನದಲ್ಲಿ ಸಣ್ಣ ಮಟ್ಟಿನ ಬಿರುಕು ಕಾಣಿಸಬಹುದು. ಆರೋಗ್ಯದ ವಿಚಾರದಲ್ಲಿ ಶಸ್ತ್ರಚಿಕಿತ್ಸೆಯ ಸಂಭವ ಇರುವುದರಿಂದ ವೈದ್ಯಕೀಯ ಪರಿಶೀಲನೆ ವಿಳಂಬಿಸಬೇಡಿ. ಗರ್ಭಿಣಿಯರು ವಿಶೇಷ ಎಚ್ಚರಿಕೆ ವಹಿಸುವುದು ಅಗತ್ಯ. ಮಾತಾ–ಪಿತೃಗಳ ಅನಾರೋಗ್ಯದಿಂದ ಮನಸ್ತಾಪ ಉಂಟಾಗಬಹುದು. ಅಳಿಯನಿಂದ ಸಿಹಿ ಸುದ್ದಿ ಕೇಳುವ ಅವಕಾಶ ಇದೆ. ಕುಟುಂಬದ ಸದಸ್ಯರೆಲ್ಲರೂ ಒಟ್ಟುಗೂಡುವ ಸಂದರ್ಭ ಎದುರಾಗಬಹುದು. ಇದು ಕುಟುಂಬ ಬಾಂಧವ್ಯವನ್ನು ಬಲಪಡಿಸಲಿದೆ. ಸ್ವಂತ ಉದ್ಯಮ ಪ್ರಾರಂಭಿಸುವ ಬಗ್ಗೆ ಚಿಂತನೆ ಗಂಭೀರವಾಗಬಹುದು. ಕಟ್ಟಡ ನಿರ್ಮಾಣ ಕಾರ್ಯದಲ್ಲಿ ತೊಡಗಿರುವ ಇಂಜಿನಿಯರ್‌ಗಳಿಗೆ ಉತ್ತಮ ಬೇಡಿಕೆ ಮತ್ತು ಲಾಭ ದೊರೆಯುವ ಸಾಧ್ಯತೆ ಇದೆ. ವಿದೇಶ ಪ್ರವಾಸ ಅತಂತ್ರವಾಗುವ ಸೂಚನೆಗಳಿವೆ. ಹಿತಶತ್ರುಗಳಿಂದ ಕಿರುಕುಳ ಎದುರಾಗಬಹುದು. ಸಾಲಗಾರರಿಂದ ಮನಸ್ತಾಪ ಸಂಭವಿಸುವ ಸಾಧ್ಯತೆ ಇದೆ. ಒಟ್ಟಾರೆ, ಶಾಂತಿ ಮತ್ತು ಸಹನೆಯಿಂದ ನಡೆದುಕೊಂಡರೆ ಸವಾಲುಗಳ ನಡುವೆಯೂ ಲಾಭದ ದಾರಿಗಳು ತೆರೆಯಬಹುದು.

ಮೀನ ರಾಶಿ : ಉದ್ಯೋಗದಲ್ಲಿ ಖುಷಿ, ವ್ಯಾಪಾರದಲ್ಲಿ ಲಾಭ ಮತ್ತು ಸಂತಾನದ ಶುಭ ಸುದ್ದಿ ಮೀನ ರಾಶಿಯವರಿಗೆ ಇಂದು ಉತ್ತಮ ಫಲಿತಾಂಶಗಳ ದಿನವಾಗಿರಲಿದೆ. ಉದ್ಯೋಗದಲ್ಲಿ ಒತ್ತಡದ ನಡುವೆಯೂ ಸಂತೋಷದ ಸಂಗತಿಗಳು ಎದುರಾಗಬಹುದು. ಉದ್ಯೋಗ ಕ್ಷೇತ್ರದಲ್ಲಿ ಏರಿಳಿತ ಕಂಡುಬರುವ ಸಾಧ್ಯತೆ ಇದೆ. ಉಪನ್ಯಾಸಕರಿಗೆ ಲಾಭದ ಸೂಚನೆಗಳು ಕಾಣಿಸುತ್ತವೆ. ವ್ಯಾಪಾರದಲ್ಲಿ ಉತ್ತಮ ಲಾಭ ದೊರೆಯುವ ಸಾಧ್ಯತೆ ಇದೆ. ಆಭರಣ ಮತ್ತು ಪುಸ್ತಕ ವ್ಯಾಪಾರಿಗಳಿಗೆ ವಿಶೇಷ ಧನಲಾಭದ ದಿನವಾಗಿದೆ. ಸ್ತ್ರೀ ಸ್ನೇಹದಿಂದ ಲಾಭ ದೊರೆಯುವ ಸೂಚನೆ ಇದೆ. ಬ್ಯೂಟಿ ಪಾರ್ಲರ್, ಹಾರ್ಡ್ವೇರ್, ಸಲೂನ್, ಎಸ್‌ಪಾ, ಸ್ಟೇಷನರಿ, ಕಾಂಡಿಮೆಂಟ್ಸ್ ನಡೆಸುವವರಿಗೆ ಉತ್ತಮ ಧನಲಾಭ ಸಿಗಬಹುದು. ಫ್ರಾಂಚೈಸಿ ಉದ್ಯಮ ಪ್ರಾರಂಭಿಸುವವರಿಗೆ ಆರ್ಥಿಕ ಸಂಪನ್ಮೂಲ ಕ್ರೂಢೀಕರಣಕ್ಕೆ ಯೋಗವಿದೆ. ಸಂತಾನದ ಶುಭ ಸುದ್ದಿಗಳು ಕೇಳಲು ಸಾಧ್ಯತೆ ಇದೆ. ಮಕ್ಕಳಿಂದ ಒಳ್ಳೆಯ ಸುದ್ದಿ ಲಭ್ಯವಾಗಬಹುದು. ಗರ್ಭಿಣಿಯರು ಎಚ್ಚರಿಕೆ ವಹಿಸಿ, ಸಮಾಧಾನದಿಂದ ಇರುವುದರಿಂದ ಹಿತಕಾರಿಯಾಗಿದೆ. ಜಮೀನು ಖರೀದಿಸುವ ಯೋಗವಿದ್ದು, ಭೂವ್ಯವಹಾರ ಸಂಬಂಧಿತ ಕಾರ್ಯಗಳಲ್ಲಿ ಲಾಭದ ನಿರೀಕ್ಷೆ ಇದೆ. ಮಹಿಳೆಯರೊಂದಿಗೆ ವಾಗ್ವಾದ ತಪ್ಪಿಸಲು ಗಮನ ಹರಿಸಬೇಕು. ಸಂಬಂಧಿಕರ ಮೂಲಕ ಆಸ್ತಿ ಲಭ್ಯವಾಗುವ ಸಾಧ್ಯತೆ ಇದೆ. ಶುಭಮಂಗಳ ಕಾರ್ಯಗಳಲ್ಲಿ ಅನುಕೂಲ ಕಾಣಿಸಲಿದೆ. ಒಟ್ಟಾರೆ, ಸಹನೆ, ಜಾಗೃತಿ ಮತ್ತು ಸಮತೋಲನದಿಂದ ನಡೆದುಕೊಂಡರೆ, ಉದ್ಯೋಗ, ವ್ಯವಹಾರ ಮತ್ತು ಕುಟುಂಬದಲ್ಲಿ ಉತ್ತಮ ಫಲಿತಾಂಶ ಲಭ್ಯವಾಗಲಿದೆ.

ತಕ್ಷಣ ನಿಮ್ಮ ಜಿಲ್ಲೆಯ ತಾಜಾ ಸುದ್ಧಿಗಳನ್ನು ಓದಲು ಮತ್ತು ವೀಕ್ಷಿಸಲು ಕೆಳಗಿನ👇🏻 ವಾಟ್ಸಪ್ ಮತ್ತು ಟೆಲಿಗ್ರಾಂ ಗ್ರೂಪ್‌ಗಳನ್ನು ಬಳಸಿ.

Join WhatsApp Group

Join Telegram Group

ಫೆಬ್ರವರಿ 23, 2026, ಸೋಮವಾರದ ರಾಶಿ ಭವಿಷ್ಯ

ಮೇಷ ರಾಶಿ ಭವಿಷ್ಯ: ವ್ಯಾಪಾರದಲ್ಲಿ ದ್ವಿಗುಣ ಲಾಭ, ವಿದೇಶ ಯೋಗ, ಪ್ರೀತಿಯ ಕನ... ಓದನ್ನು ಮುಂದುವರಿಸಿ