ಪಂಚ ಗ್ಯಾರಂಟಿ ಯೋಜನೆಗಳಿಗೆ ಮತ್ತೆ ದೊಡ್ಡ ಮೊತ್ತ: ₹51,286 ಕೋಟಿ ಹಂಚಿಕೆ

ಜಿಲ್ಲೆ ಸುದ್ದಿ 13 hours ago ಬೆಂಗಳೂರು ನಗರ

ಬೆಂಗಳೂರು: ಮುಖ್ಯಮಂತ್ರಿ Siddaramaiah ಮಂಡಿಸಿದ 2026–27 ಸಾಲಿನ ರಾಜ್ಯ ಬಜೆಟ್‌ನಲ್ಲಿ ಸರ್ಕಾರದ ಪಂಚ ಗ್ಯಾರಂಟಿ ಯೋಜನೆಗಳಿಗೆ ಮತ್ತೊಮ್ಮೆ ಭಾರೀ ಅನುದಾನ ಘೋಷಿಸಲಾಗಿದೆ. ಆರ್ಥಿಕ ಇಲಾಖೆ ಹಾಗೂ ಆಡಳಿತ ಪಕ್ಷದ ಕೆಲ ಶಾಸಕರು ವೆಚ್ಚ ಕಡಿತಗೊಳಿಸುವಂತೆ ಸಲಹೆ ನೀಡಿದರೂ ಸರ್ಕಾರ ಅದಕ್ಕೆ ಕಿವಿಗೊಡದೆ ಯೋಜನೆಗಳನ್ನು ಮುಂದುವರಿಸಿದೆ.

ಈ ಬಾರಿ ಬಜೆಟ್‌ನಲ್ಲಿ ಪಂಚ ಗ್ಯಾರಂಟಿ ಯೋಜನೆಗಳಿಗೆ ಒಟ್ಟು ₹51,286 ಕೋಟಿ ಅನುದಾನ ಹಂಚಿಕೆ ಮಾಡಲಾಗಿದೆ. ರಾಜ್ಯದ ಒಟ್ಟು ರಾಜಸ್ವ ವೆಚ್ಚದಲ್ಲಿ ಸುಮಾರು 16% ಭಾಗ ಪಂಚ ಗ್ಯಾರಂಟಿ ಯೋಜನೆಗಳಿಗೆ ಹೋಗುತ್ತಿದೆ. ಈ ಯೋಜನೆಗಳ ಭಾರೀ ವೆಚ್ಚದಿಂದ ರಾಜ್ಯದ ಹಣಕಾಸು ಸಮತೋಲನದ ಮೇಲೆ ಒತ್ತಡ ಹೆಚ್ಚುತ್ತಿದೆ ಎಂಬ ಅಭಿಪ್ರಾಯವೂ ವ್ಯಕ್ತವಾಗಿದೆ.

ಯೋಜನೆವಾರು ಅನುದಾನ

2026–27 ಸಾಲಿನ ಬಜೆಟ್‌ನಲ್ಲಿ ಪಂಚ ಗ್ಯಾರಂಟಿಗಳಿಗೆ ನೀಡಿದ ಅನುದಾನ ಹೀಗಿದೆ:

ಗೃಹಲಕ್ಷ್ಮಿ ಯೋಜನೆ – ₹28,608 ಕೋಟಿ

ಅನ್ನಭಾಗ್ಯ ಯೋಜನೆ – ₹6,200 ಕೋಟಿ

ಗೃಹಜ್ಯೋತಿ ಯೋಜನೆ – ₹10,578 ಕೋಟಿ

ಶಕ್ತಿ ಯೋಜನೆ – ₹5,300 ಕೋಟಿ

ಯುವನಿಧಿ ಯೋಜನೆ – ₹600 ಕೋಟಿ

ಒಟ್ಟಾರೆ ಕಳೆದ ಸಾಲಿನಿಗಿಂತ ಸುಮಾರು ₹252 ಕೋಟಿ ಹೆಚ್ಚು ಅನುದಾನ ಈ ಬಾರಿ ಹಂಚಿಕೆ ಮಾಡಲಾಗಿದೆ.

ಹಿಂದಿನ ಸಾಲುಗಳ ಅನುದಾನ

2023–24: ₹35,410 ಕೋಟಿ

2024–25: ₹52,009 ಕೋಟಿ

2025–26: ₹51,034 ಕೋಟಿ

2026–27: ₹51,286 ಕೋಟಿ

ವೆಚ್ಚ ಕಡಿತಕ್ಕೆ ಸರ್ಕಾರ ಸಮ್ಮತಿಸಿಲ್ಲ

ಕಳೆದ ಎರಡು ವರ್ಷಗಳಿಂದ ಪಂಚ ಗ್ಯಾರಂಟಿ ಯೋಜನೆಗಳ ವೆಚ್ಚವನ್ನು ತರ್ಕಬದ್ಧಗೊಳಿಸುವಂತೆ ಆರ್ಥಿಕ ಇಲಾಖೆ ಸರ್ಕಾರಕ್ಕೆ ಸಲಹೆ ನೀಡುತ್ತಲೇ ಬಂದಿದೆ. ಈ ಬಾರಿ ನಡೆದ ಬಜೆಟ್ ಪೂರ್ವಭಾವಿ ಸಭೆಗಳಲ್ಲೂ ವೆಚ್ಚ ಕಡಿಮೆ ಮಾಡುವ ಬಗ್ಗೆ ಗಂಭೀರ ಚರ್ಚೆ ನಡೆದಿತ್ತು. ಪಂಚ ಗ್ಯಾರಂಟಿಗಳಿಂದ ರಾಜ್ಯದ ಹಣಕಾಸು ಸಮತೋಲನದ ಮೇಲೆ ಒತ್ತಡ ಹೆಚ್ಚುತ್ತಿದೆ ಎಂದು ಹೇಳಿ ಅನುದಾನ ಕಡಿತ ಮಾಡುವ ನಿರೀಕ್ಷೆಯೂ ಮೂಡಿತ್ತು.

ಆದರೆ ಮುಖ್ಯಮಂತ್ರಿ Siddaramaiah ಈ ಸಲಹೆಗಳನ್ನು ಪರಿಗಣಿಸದೇ ಯೋಜನೆಗಳಿಗೆ ಭಾರೀ ಅನುದಾನ ಮುಂದುವರಿಸಿದ್ದಾರೆ.nಇತ್ತ ಕೆಲ ಹಿರಿಯ ಸಚಿವರು ಮತ್ತು ಆಡಳಿತಾರೂಢ ಶಾಸಕರು ಕೂಡ ಪಂಚ ಗ್ಯಾರಂಟಿ ವೆಚ್ಚವನ್ನು ತರ್ಕಬದ್ಧಗೊಳಿಸಿ ಹೊರೆ ಕಡಿಮೆ ಮಾಡುವಂತೆ ಸರ್ಕಾರವನ್ನು ಒತ್ತಾಯಿಸುತ್ತಿದ್ದರೂ, ಈ ಕುರಿತು ಇನ್ನೂ ಅಂತಿಮ ನಿರ್ಧಾರ ಕೈಗೊಳ್ಳಲಾಗಿಲ್ಲ ಎಂದು ಆರ್ಥಿಕ ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ತಕ್ಷಣ ನಿಮ್ಮ ಜಿಲ್ಲೆಯ ತಾಜಾ ಸುದ್ಧಿಗಳನ್ನು ಓದಲು ಮತ್ತು ವೀಕ್ಷಿಸಲು ಕೆಳಗಿನ👇🏻 ವಾಟ್ಸಪ್ ಮತ್ತು ಟೆಲಿಗ್ರಾಂ ಗ್ರೂಪ್‌ಗಳನ್ನು ಬಳಸಿ.

Join WhatsApp Group